Wednesday, 17 October 2018


 SERIKALI HAITAMWONEA AIBU ASIYELIPA   KODI  YA MADINI 

 Kibada Ernest Kibada - Katavi.

Naibu Waziri wa Madini Stanslaus Nyongo amesema kuwa Serikali kupitia Wizara ya Madini haitamwonea aibu mchimbaji yeyote wa madini atakayekwepa kulipa kodi Serikalini  kwa kuwa ni kinyume na Sheria ya Madini pamoja na kanuni zake.
Ameyasema hayo leo tarehe  Oktoba 11, 2018 katika  mkutano wake na wachimbaji wadogo wa madini wanaoendesha shughuli zao katika machimbo ya  Dirifu, yaliyopo katika kata ya Magamba mkoani Katavi ikiwa ni sehemu ya ziara yake  katika mkoa huo yenye lengo la  kukagua shughuli za uchimbaji wa madini,  kusikiliza na kutatua kero za wachimbaji wa madini.
Katika ziara yake Nyongo aliambatana na Mkuu wa Wilaya ya Tanganyika,  Salehe Mhando,  Mwenyekiti wa Chama cha Wachimbaji wa Madini Mkoa wa Katavi (KATAREMA), William Mbongo, Kaimu Afisa Madini Mkazi wa Mkoa wa Katavi, Mhandisi Giliard Luyoka, Wataalam wa Madini, Vyombo vya Ulinzi na Usalama pamoja na waandishi wa habari.
Alisema kuwa, kumekuwa na tabia ya baadhi ya wachimbaji wadogo wa madini wasio waaminifu wanaokwepa kulipa kodi serikalini hali inayokwamisha  upatikanaji wa huduma nyingine muhimu katika jamii kama vile elimu, maji, barabara.
“ Mchimbaji ambaye anakwepa kulipa kodi mbalimbali kama Sheria ya Madini na kanuni zake inavyofafanua ni adui namba moja katika ukuaji wa maendeleo ya nchi, hivyo sisi kama Wizara ya Madini tumejipanga kuchukua hatua za kisheria nia ikiwa ni kutaka kila mwananchi anufaike na rasilimali za madini kupitia uboreshaji wa huduma mbalimbali,”alisema Nyongo
Katika hatua nyingine, Naibu Waziri Nyongo aliwataka maafisa madini wakazi katika mikoa yote kuwa wabunifu kwenye ukusanyaji wa maduhuli kwani Sekta ya Madini inatarajiwa mno kwenye ukuaji wa uchumi wa nchi.
Aliendelea kusema kuwa, Serikali inaamini kuwa iwapo Sekta ya Madini itasimamiwa kikamilifu, inaweza kuleta mabadiliko makubwa kwenye  ukuaji wa uchumi wa nchi kupitia uimarishaji wa sekta nyingine muhimu.
Aidha, aliwataka maafisa madini nchini kushirikiana na  vyombo vya ulinzi na usalama katika wilaya kwenye zoezi la ukaguzi wa shughuli za madini ili kuongeza tija kwenye  ukaguzi.
Katika mkutano huo mbali na wachimbaji wadogo kumpongeza kwa kazi kubwa anayofanya ya kusikiliza na kutatua changamoto kwenye  shughuli za uchimbaji madini katika mkoa wa Katavi, wachimbaji hao waliwasilisha changamoto mbalimbali ikiwa ni pamoja na mahitaji ya mikopo katika shughuli za utafutaji na uchimbaji wa madini, mafunzo kuhusu sheria ya madini na kanuni zake, uchimbaji salama na vifaa vya kisasa kwa ajili ya uchimbaji wa madini.
Akizungumza kwa niaba ya wachimbaji wadogo katika eneo hilo, Imso Masumbuko kutoka kikundi cha Kagera Group alisema kuwa wana uhitaji mkubwa wa elimu kuhusu uchimbaji wa madini  salama pamoja na vifaa vya kisasa ili waweze kuzalisha na kulipa kodi zaidi Serikalini.
Masumbuko mbali na kuainisha changamoto hizo aliiomba Wizara ya Madini kuiomba Wizara ya Nishati ili iweze kufikisha umeme katika machimbo hayo  kupitia Mradi wa Usambazaji wa Umeme Vijijini unaosimamiwa na Wakala wa Nishati Vijijini Awamu ya Tatu   REA III
Alifafanua kuwa, kutokana na ukosefu wa nishati ya umeme katika eneo lao wamekuwa wakitumia gharama kubwa kwenye uzalishaji wa madini kutokana na matumizi ya dizeli hivyo kupata faida kidogo sana.
Naye Karusum Daudi ambaye ni mchimbaji wa madini ya dhahabu katika eneo hilo aliiomba Serikali kupitia Wizara ya Madini iangalie uwezekano wa kuwapatia mikopo ili waweze kuchimba kwa kutumia vifaa vya kisasa.
Katika hatua nyingine Naibu Waziri Nyongo alifanya ziara katika Ofisi ya Afisa Madini Mkazi wa Mkoa wa Katavi na kusikiliza kero mbalimbali za watumishi ikiwa ni pamoja na kuzitatua.
Pia Naibu Waziri Nyongo alikutana na wachimbaji wadogo wa madini mjini Mpanda lengo likiwa ni kusikiliza na kutatua changamoto mbalimbali zinazowakabili kwenye shughuli za utafutaji na uchimbaji wa madini.
Mbali na kuwasilisha changamoto mbalimbali zilizotatuliwa na Naibu Waziri Nyongo papo hapo  wachimbaji wadogo wa madini walimpongeza Naibu Waziri Nyongo na kumwomba kuendelea na ari ya kusikiliza kero zao na kuzitatua.
Akizungumza katika kikao hicho, Nyongo alisema Wizara ya Madini haitachoka kutatua changamoto zinazowakabili wachimbaji wa madini nchini kwa kuwa inataka wachimbe katika mazingira mazuri na kulipa kodi Serikalini.



Naibu Waziri wa Madini, Stanslaus Nyongo akizungumza na wachimbaji wadogo wa madini katika machimbo ya  Dirifu, yaliyopo katika kata ya Magamba mkoani Katavi ikiwa ni sehemu ya ziara yake  katika mkoa huo yenye lengo la  kukagua shughuli za uchimbaji wa madini,  kusikiliza na kutatua kero za wachimbaji wa madini tarehe  Oktoba 11, 2018
  


Sehemu ya wachimbaji wadogo wa madini kutoka machimbo ya  Dirifu, yaliyopo katika kata ya Magamba mkoani Katavi wakifuatilia ufafanuzi uliokuwa unatolewa na Naibu Waziri wa Madini Stanslaus Nyongo (hayupo pichani   kwenye mkutano wa hadhara
  


Mmoja wa wachimbaji wadogo wa madini katika machimbo ya  Dirifu, yaliyopo katika kata ya Magamba mkoani Katavi akiwasilisha kero yake mbele ya  Naibu Waziri wa Madini, Stanslaus Nyongo. (hayupo pichani)

  

Naibu Waziri wa Madini Stanslaus Nyongo (katikati) akioneshwa mchoro wa ramani ya jengo linalojengwa la Ofisi ya Afisa Madini Mkazi wa Mkoa wa Katavi na  Mhandisi Andrew Mpangalala kutoka SUMA JKT ( wa kwanza kulia) ambao ndio wajenzi wa jengo hilo katika eneo la Msasani mjini Mpanda mkoani Katavi.

  
Naibu Waziri wa  Madini Stanslaus Nyongo (katikati) akiwa katika picha ya pamoja na watumishi wa Ofisi ya Afisa Madini Mkazi wa Mkoa wa Katavi mara baada ya kufanya nao kikao kilicholenga kujadili utendaji kazi.
(Picha zote na Kibada Ernest Kibada wa Katavi Press Club.)
MWISHO.

Wednesday, 19 September 2018

Mkuu wa mkoa wa Katavi Mhe. Amos Makalla amehitimisha ziara yake ya kikazi wilayani Tanganyika. 
Amefanikiwa kutembelea tarafa zote 3 na alianza kuongea na watumishi wa halmashauri ya wilaya ya Mpanda, madiwani na wadau wa maendeleo mbali mbali wa Tanganyika.
Septemba 3, 2018 aliongea na watumishi na madiwani na Septemba 4, 2018 alifanya ziara ya kikazi Mishamo. Septemba 12, 2018 alifanya ziara ya kikazi Ikola na Septemba 14, 2018 Mkuu huyo alienda Mwese. Hute huko alikuwa nasikiliza kero za wananchi na kufanya mkutano wa hadhara.
Mkuu huyo wa mkoa amewapongeza wananchi wa Halmashauri ya wilaya ya Mpanda kwa kujitoa katika shughuli za maendeleo na mapokezi yao yalikuwa mazuri sana. Burudani mbali mbali zilioneshwa na kikubwa zaidi ni namna anavyowatetea wananchi na kuwaahidi kushirikiana nao katika kuwaletea maendeleo.

Wananchi wa wilaya ya Mpanda wamepatiwa hati miliki za kimila kwa ajili

Wananchi wa wilaya ya Mpanda wamepatiwa hati miliki za kimila kwa ajili ya makazi na mashamba. 


Hati hizo zimetolewa kwa vijiji vya Mnyagala na Nkungwi. Jumla ya hati miliki za kimila 1,022 zimwtolewa kwa wananchi wa Tanganyika wakati hati 586 ni za Mnyagala na 436 za Nkungwi.
Hati hizo zimekabidhiwa na kaimu afisa tawala wa Tanganyika Bw. Reginarld Muhango kwa niaba ya Mkuu wa wilaya ya Tanganyika. Tukio hilo limefanyika Septemba 15, 2018 katika mnada wa Mnyagala na Nkungwi.
Zoezi hili limeanza kwa kuwaelimisha na kuwashirikisha wananchi kuchangia gharama kidogo za mchakato wa hati. Kila mwananchi amechangia shilingi 50,000 kwa kila hati.
Faida za mwannanchi kuwa na hati za shamba au makazi ni pamoja na kuongeza thamani ya kipande cha ardhi, kukopesheka na kuwa na ulinzi wa kudumu wa shamba lako au kiwanja. Pia hati za kimila hazina ukomo wa umiliki tofauti na hati zingine.
Halmashauri ya wilaya ya Mpanda ina vijiji 55 na tumeanza na vijiji vilivyofanyiwa mpango wa matumizi bora ya ardhi ambapo vijiji 23 vimefanya mpango huu. Baada ya vijiji hivyo, halmashauri itaendelea kuelimisha na kuhamasisha wananchi wengi kumiliki mashamba na viwanja kwa kuvipima na kupatiwa hati.

Wednesday, 15 August 2018


Mfugaji bora wa ng'ombe za nyama katika maonesho ya nane nane 2018 kwa nyanda za juu kusini mwa Tanzania  Bw. Adolf Andrea (aliyevaa kitambulisho) akionesha cheti kwa maafisa mifugo wa Halmashauri ya wilaya ya Mpanda (Tanganyika). Andrea ametunikiwa cheti na shilingi 2 milioni.


Wakulima wa Halmashauri ya wilaya ya Tanganyika wakijifunza namna ya kupanda mpunga kwa kutumia mashine. Mashine hiyo  iliyokuwa katika viwanja vya maonesho Mbeya 2018, itakuwa mkombozi wa wakazi na wakulima wa mpunga katika vijiji vinavyounda wilaya ya Tanganyika. Kutoka kushoto ni mwenyekiti wa Halmashauri ya wilaya ya Mpanda, mhe. Hamadi Mapengo akiwa na wananchi wa wilaya ya Tanganyika.

Wednesday, 11 July 2018


 WAZIRI WA MALIASILI NA UTALII MHE. DKT. HAMISI KIGWANGALA KATIA TIMU HALMASHAURI YA WILAYA YA MPANDA



Msitu wa Tongwe Magharibi kuwanufaisha wananchi wa Halmashauri ya wilaya ya Mpanda. Wataalam kutoka ofisi ya Mkurugenzi Mtendaji wa Halmashauri ya wilaya ya Mpanda wakiomuonesha ramani waziri wa maliasili na utalii juu ya vijiji vinavyozunguka msitu huo.

WAZIRI WA MALIASILI NA UTALII MHE. DKT. HAMISI KIGWANGALA KATIA TIMU HALMASHAURI YA WILAYA YA MPANDA.

Waziri wa maliasili na utali Mhe. Dkt. Hamis Kigwangala (wa pili kutoka kulia. Anayefuata kutoka kulia ni Mkurugenzi Mtendaji wa Halmashauri ya wilaya ya Mpanda, Bw. Romuli Rojas John, Mkuu wa wilaya ya Tanganyika, mhe. Salehe Mhando na afisa wanyama pori Churchward.


waziri wa Maliasili na utalii Mhe. Dkt. Hamisi Kigwangala katia timu Halmashauri ya Wilaya ya Mpanda




Waziri wa maliasili na utalii Mhe. Dkt. Hamis Kigwangala akiteremka kutoka kwenye maporomoko ya Nkondwe yanayopatikana katika Halmashauri ya wilaya ya Mpanda. Waziri Kigwangala amefanya ziara ya kutembelea na kukagua misitu ya Tongwe Mashariki na Magharibi Julai 09, 2018.






Mkurugenzi Mtendaji wa Halmashauri ya wilaya ya Mpanda akisalimiana na waziri wa Maliasili na utalii Mhe. Dkt. Hamisi Kigwangala. Dkt. Kigwangala amefanya ziara ya kikazi katika Halmashauri ya wilaya ya Mpanda Julai 09, 2018.



Waziri wa maliasili na utali afanya utalii Nkondwe



Posted On: July 10th, 2018
Halmashauri ya wilaya ya Mpanda imepongezwa kwa kutunza na kuhifadhi misitu ya Tongwe mashariki, Nkamba na misitu ya vijiji.
Pongezi hizo zimetolewa na waziri wa maliasili na utalii mhe. Dkt Hamis Kigwangala, Julai 09, 2018 alipofanya ziara ya kikazi katika Halmashauri ya wilaya ya Mpanda (Tanganyika). Baada ya kupokea taarifa iliyowasilishwa na Mkuu wa wilaya ya Tanganyika mhe. Salehe mhando, taarifa hiyo ilisheheni  fursa za utalii zinazopatikana katika Halmashauri ya wilaya ya Mpanda na umahili mkubwa wa kuhifadhi misitu.
Fursa hizo ni pamoja na eneo la Karema linalopatikana katika mwambao wa ziwa Tanganyika ambapo Daktari wa kwanza mwafrika aliishi pale na kuzikwa Karema.
Hata hivyo, Dkt. Kigwangala alioneshwa eneo la uwekezaji lenye ukubwa wa hekta 46,000 ambapo kuna eneo lililotengwa kwa ajili ya  utalii ikolojia. Eneo hilo la utalii ikolojia lina maporomoko mazuri katika mlima wa Nkondwe, sokwe mtu, vipepeo vya rangi za kipekee na vivutio vingi vya kitalii.
Baada ya kufika katika maporomoko hayo, msafara ulielekea katika msitu wa Tongwe Mashariki ambao unamilikiwa na kulindwa na Halmashauri ya wilaya ya Mpanda. Baada ya kujionea kwa macho namna msitu ulivyofunga na kulindwa kwa umakini, msafara ulielekea katika msitu wa Tongwe Magharibi.
Msitu wa Tongwe Magharibi umezungukwa na vijiji 11 vya Halmashauri ya wilaya ya Mpanda. Halmashauri ya wilaya ya Mpanda imeomba kukabidhiwa msitu huo wa Tongwe Magharibi kwani ina uwezo wa kuulinda na kuuhifadhi. Msitu wa Tongwe Magharibi ni chanzo cha mito 16 inayotiririsha maji yake katika Halmashauri ya wilaya ya Mpanda na mjawapo wa mito hiyo ni pamoja na mto Katuma na Mnyamasi.
Halmashauri ya wilaya ya Mpanda kwa kushirikiana na wadau wa utunzaji wa mazingira hasa Taasisi ya Jane Goodall, Tuungane na FZS wamekuwa wakisaidia sana kutoa fedha za kufanya matumizi bora ya ardhi. Hadi sasa vijiji 23 kati ya 55 vimefanya matumizi bora ya ardhi.
Aidha, wananchi wameelimishwa vya kutosha juu ya utunzaji wa mazingira hasa misitu na vijiji 9 vinatarajia kuingia katika makubaliano ya kuuza hewa ya ukaa muda wowote kuanzia sasa.

Monday, 9 July 2018




Mwnyekiti wa Halmashauri ya Wilaya ya Mpanda (Tanganyika) Mhe. Hamadi Mapengo akitoa vyeti kwa mkuu wa gereza la Kalilankulu pia alitoa vyeti vya shukrani kwa tasisi mbalimbali na mashirika yaliyochangia na kujitolea kwa hali na mali katika maandalizi ya kuukaribisha Mwenge wa Uhuru katika Wilaya ya Mpanda (Tanganyika) yote haya yalifanyika siku ya sikuku na maadhimisho ya Sabsaba 07-07-2018

Mhe. Hamadi Mapengo Mwnyekiti wa Halmashauri ya Wilaya ya Mpanda akimkabizi Ngao na kiasi cha shilingi laki moja nahoza wa timu ya Kabungu FC kama zawadi ya mshindi wa kwanza na mkuu wa wilaya ya Mpanda Mhe. Salehe Mhando na Mkurugenzi Mtendaji Bw. Romuli R. John.





Wafanyabiashara wlijitokeza na kufanya biashara bila kuwasahau wajasiriamali kwani hawakuachwa nyuma walileta bidhaa zao